Fikmin #Macet#
Mobil teu bisa laju lantaran karéta
api ngaléwat, kusabab macétna kacida lila jeung ceuli asa gandéng ku sora motor
nu knalpotna jiga lodong, nya sora
murotal di tarikan sangkan tiis ceuli bari, da geus lumrah lamun naék
mobil sok bari nyetél murotal surat surat pondok. Teu kungsi lila aya bapak bapak
nyodorkeun leungeun kana jandéla bari muragkeun duit, kuring haré haré dan dina
pikiran téh nu jail wéh. Teu kungsi lila jol remen nu ngasongkeun duit kana
jero mobil. Kuring mikir “Moal kitu barokahna nyetél murotal ngaji?”. Pas gok
téh aya tukang dagang méré duit kana jero mobil, terus dibetot wéh leungeuna “Mang
naha ngalungkeun duit sagala?”, tukang dagang némbal “Apan lain ménta sumbangan
keur masjid? Pédah titatadi kadédénge sora nu ngaji tarik pisan”. “Gélo pedah
mobil urang butut ditambah nyetél murotal nepi ka disangka panitia masjid nu
keur néangan sumbangan”, leungeunna dilésotkeun bari ngarawu duit na luhur jok.
Tidak ada komentar:
Posting Komentar